..منتديات روح عبري ترحب بكـ..
أنت غير مسجل..
للتسجل أضعط على زر التسجيل..
ونتمنى لكـ أجمل الأوقات بيننا.. Smile


 
الرئيسيةالتسجيلدخول

شاطر | 
 

 قصصـه الطفلـهه [ فــآطمه ]

اذهب الى الأسفل 
كاتب الموضوعرسالة
بنت الظاهرة

بنت الظاهرة

عدد المساهمات : 238
تاريخ التسجيل : 19/01/2012

مُساهمةموضوع: قصصـه الطفلـهه [ فــآطمه ]    السبت يناير 28, 2012 9:40 am

قصصـه الطفلـهه [ فــآطمه ]

--------------------------------------------------------------------------------

السلام عليكم ورحمة الله وبركاته




قصة الطفله فاطمه البحرينيه التي تبكي لها القلوب! واقعيه

اليوم بكتب لكم قصه عن بنت اسمها فاطمه و القصه للأمانه منقوله

فاطمه هي بنت ال12 سنه و هي من دوله عربيه اسمها البحرين

و فاطمه تقضي وقتها دائما بألعاب الحاسوب و تجوب عالم الانترنت

بحثاً عن السعاده و تجلس ساعاتٍ و ساعاتٍ على الانترنت لأن أبوها

مشغوول جداً و هي البنت المدللـه لدى العائله لذلك هي الوحيده التي لها

لاب توب و كانت تحب أن تلعب العاب أون لاين داائما آنذاك

و كانت تتعرف على عدد كبير من صديقات جدد عن طريق الانترنت

و في يوم من الايام تعرفت فاطمه على فتاه تسمى (وسميه)

و جائت فترة الاختبارات فقالت فاطمه لصديقتها وسميه ان امي لن تسمح لي

بأن ألعب معك و أظن بأنني لن أدخل اللعبه فترة أسبوعين للإختبارات فقالت

وسميه :- خلآص عيل بضيفج بالمسن عندي , اوكي ؟

فاطمه :- اوكي , هذا ايميلي ضيفيني hotmail.com@???

وسميه :- اوكي بضيفج يلأ باي الله يوفقج

و بعد أسبوعين من الاختبارات و بدأت العطله الصيفيه الممتعه =) !! ..

شبكت فاطمه و كلمت وسميه و أخبرتها بشوقها لها و مع مرور الايام أصبحتا صديقتين

و كل واحده تعرف اسرار الاخرى

و بعد مده من الزمن قالت فاطمه لوسميه

فاطمه :- وسووم آنة أبي أشوفج

وسميه :-و الله آنا ماعندي صوره لي بالكمبيوتر

فاطمه :- خلاص عجل خل نفتح الكام

وسميه :-ااي بس آنا بالكمبيوتر ماكو كاام

فاطمه:- خلاص عجل آنه أدز لج صورتي و أبي أبطل لج الكام و باكر دزي لي صورتج

وسميه :- ان شاء الله , يلا بطلي

وعلى فكره وسميه هي بنت حلوووه و مزيونه و بس مشكلتها انها مغتره بنفسها حييل و شايفه نفسها على جمالها فغرورها خلا أخلاقها تكون خايسه و جذي و وسميه لها رفيجة من زماان إسمها مريم
أماااااااا...
فاطمه هي بنت طيبه و مشكلتها انها حيل حساسه بس محد درا انها حساسه الا بعد القصه لانه بيصير شيء محزن و مشذذ1@~كلتها الثانيه انها مبذوره بالمدرسه فتحاول تسوي علاقات من النت عشان تستانس و جذي و مشكلتها بعد إنها مو حلووه يعني جيييكره و هي من الخوال و المتان و جذي !! و كانت تعتبر اختها هي اغلى صديقاتها و كانت لدى امها و ابوها خلآفات !!

لذلك كانت فاطمه تقضي وقتها بدل الخروج من المنزل بالجلوس على الانترنت

و عندما فتحت فاطمه الكام لصديقتها وسميه

رأت وسميه بأن فاطمه هي أجكر من رأتها في حياتها

و جاملتها و قالت لها ماشاء الله أنتي جميله !!!

و كانت وسميه تموت من الضحك على شكل فاطمه خصوصا بأنها كانت ترقص على اغنيه من التلفزيون

فذهبت وسميه و قالت لأعز صديقاتها التي اسمها مريم قالت لها أنا تعرفت على بنت اسمها فاطمه و هي فتحت لي الكام و هي تضحك و جييكره لدرجه كبيره

فقالت مريم : أبي أشوفها

و ثم دزت وسميه صور فاطمه الى مريم و

مريم بدأت تضحك و كانت عند مريم أختها التي اسمها دلال
فقالت دلال : وييع هذي منو رفيجتج ؟
مريم : لاااا السالفه كيت و كيت
فقالت دلال : أهاا هههه

و بعد فتره كأسبوعين أو ثلاثة أسابيع

تخالفتا على اللعبه و سبب خلافهما هو أن وسميه و فاطمه يعرفون حساب و كلمة المرور لبعض في اللعبه

و الخلاف بسبب : ان وسميه شحنت و عبت مالً للعبه لكي تشتري أشياءً تباع بالنقود في لعبة الاون لاين التي اسمها ( .. )

فغاارت فاطمه غيره شديده لأن لا ابوها و لا امها يصرفان عليها و كانت لآ تأكل شيئاً في المدرسه << أحياناً

و دخلت حساب وسميه في الفجر عندما وسميه كانت نائمه و سحبت نقودا ليست بالكثير و حولتها لحسابها

و في اليوم التالي اكتشفت وسميه الأمر و لاحظت أن نقودها نقصت فاستغربت في بادئ الامر و قالت ربما هو خلل في اللعبه أو شيء كهذا ..!!

و لكن نقودها بدأت تنقص رويداً رويداً ((كانت فاطمه تظن بأن وسميه لن تنتبه لو سرقت النقود شوي شوي ! )) و لكن وسميه اكتشفت الامر و ارسلت لصاحب اللعبه

رساله تشتكي فيها له و بالطبع شتمته لأنها تقول بأنها تنفق أموالاً ثم تنقص الاموال فقال صاحب اللعبه برساله : إنه لم يحدث ماحدث بك لأحدٍ قط فربما هنالك من يعرف

كلمة مرورك او اخترق حسابك .. و لا يعرف احد كلمة وسميه غير فاطمه // فذهبت وسميه و سألت صديقاتها و سألت فاطمه فقالت فاطمه : لا أدري

ثم ذهبت وسميه و غيرت كلمة المرور و لاحظت بأن النقود لم تعد تنقص كل يوم و ارتاحت و لكنها شكت في فاطمه

وبعد يومين
قالت فاطمه لوسميه : شنو كلمتج المرور ؟ فقالت وسميه : ليش ؟

فاطمه : انتي تعرفين كلمتي انا ماعرف كلمتج ماايصير

وسميه : اوكي هذي كلمتي ****

ثم ذهبت وسميه دايركت لمدير اللعبه و قالت أريدك أن تعرف عنوان الIP للشخص الذي يدخل حسابي في الفجر و أن تخبرني بإسمه في اللعبه فوافق صاحب اللعبه

و في اليوم نفسه عندما ذهبت وسميه لأقاربها و عادت الى المنزل لاااحظت أن أموالها نقصت و أرسلت لصاحب اللعبه فقال صاحب اللعبه :

لقد عرفنا من هو الفاعل لأن عنوان الIP مختلف عن عنوان صاحبه و سوف يتم انذار مرتكب الجريمه و اسم الشخص الذي سرق نقودك في اللعبه هو : (***) مع جزيل الشكر

انصصصدمت وسميه لأن المكتوب بين القوسين هو اسم صديقتها فاطمه و ذهبت للمسن و كلمت فاطمه بتهديد و غيرت كلمة المرور لثاااني مره و بدأ بينهما الخلاف يزداد يوماً بعد يوم

و في يوم من الايام تشاجرتا وسميه و فاطمه على شيء قوي في الايميل

فأضافت وسميه في المحادثه صديقتها مريم و مريم أضافت اختها دلال

و بدأ الشجار بينهماا

فقالت وسميه لفاطمه : تدرين أنا عندي صورج يالخاله!!!!

فاطمه : شسوي ؟ بعدين شنو خاله ؟

دلال : هههعع هعع يعني عبده

مريم : هههههه

فاطمه : أنا مكب عبده ! : @

مريم : صااااروخ إنتي شهل جذبه وييه قطييعه

دلال : احترمي نفسج ياا فاطمه و حدج على وسووومتي

وسميه : فديت اللي يدلعوني و الله

و زااد الشجار بينهم فقالت وسميه لفاطمه بطريقة تهديد :::



::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::
::

تررى رااح انشر صورج!!!!!!!

فاطمه : مب خايفه بعدين شلون تنشرينهم مايصير

دلال : يالخبله في شيء اسمه فيس بوك نت لوق تويتر شفيج ؟؟

فاطمه : مب خاايفه

(( فاطمه مادرت ان هذا الكلام جد و بدت تستخف فيه ))

مريم : فطوومه

فاطمه : هاا

وسميه : مريمووه ووصممخ لاتدلعينها

مريم : ممكن أنشر صورج ؟

دلال : هههه يالمؤدبه

فاطمه : مب خايفه و ماتقدرين تسوينهاا

مريم : اوكي درينا انج مو خايفه بس المطلوب هو عادي و الا لا

فاطمه : أكيد لآ

وسميه : ههههههه قالت اكيد اي قالت

مريم : اي صح يلا بناات عطوها بلوك دليت

دلال : هههههههههههه انا مو ضايفتها

فاطمه : شنو فيج عمى قراءه ؟

وسميه : طلعتي ألعن من نيوتن تعرفين اشياء غير مكتشفه و الله أول مره اسمع بعمى قراءه اللي اعرفه هو عمى الوان بس

دلال : هع هع هع

((((( دلال عمرها 13 و مريم 11 و وسميه 11 و فاطمه عمرها 12 ))))

فراحت وسميه و نشرتها و مريم نشرت صوره وحده بس بالفيس بوك و ماشاف الصور غير رفيجات مريم

أماا وسميه شاااف الصوووره العاااالم لأنها ضاايفه ناااس وااجد في الفيس بوك

دلال : وسوم حرام عليج !!

(( دلال أكبرهم فأعقلهم ))

وسميه : لا و الله شنو حرام؟؟ انا سمعت في الاسلام حرام السرقه بس ماسمعت انه حرام الفضح !!

دلال : امبلى فيه نسيتي ؟؟
وسميه : شنوو ؟

دلال : استر أخاك يسترك الله يوم القيامة
و قال الرسول صلى الله عليه و سلم : ومن كشف عورة أخيه المسلم كشف الله عورته حتى يفضحه بها في بيته
هذا الحديث ماخذينه بالتربيه الاسلاميه

وسميه : يعمي طيير عاادي

دلال : أوكي انشريها انا مابي

وسميه : ترى ازعل


دلال : اوكي بحطها و علطول بشيلها

وسميه : حطيها يوم على الاقل
دلال : أوكًي

و حذفو فاطمه من الايميل و نشرو صورها و ايميلها و ماااقصروووا !!!!!!!!!!!!!!!!!!!!

و الله لآ يوريكم تعليقات الشباب في الفيس بوك على الصور و ضحكهم !!!!!!!!

و بعدين دلال شالت الصور بعد فتره و راحت تشوف وسوم في الفيس بوك و شافت تعليقات الشباب على الصوور و الايميل المكتوب

_________

هههههه شهل جككر ؟؟

من صجج هاااي بحرينيه و الا انتي مضيعه شكلها هنديه !!

..
.....
.........

________

و وسوم تضحك بلآ ضممميرر و كانت عائلتها فرري

على عكس فاطمه

و بعدين غاابت عنا اخبار فاطمه و انقطعنا عنها

و جت لدلال خطه شيطانيه

قالت خل أشوف أحوالها بعد الفضح !!


خل أشوف شمسويه اهياا !!

بسس وقفت فيي التفكير و قالت لو كلمتها بهل ايميل راح تعرفني و تدري اني انا اللي تهاوشت معاها

فبعد أسابيع

دخلت دلال صفحة وسميه في الفيس بوك و جتها فكره فقالت خل أعرف شصارلها فشافت التعليقات و أنبها ضميرها شوي << بعد شنو !!!!!

بس الشيطاااااان شااااطر

و قالت خل أعرف أحوالها من ايميل ثاني عشان ماتدري اني انا دلال و سوت ايميل سمته عبود و ضافتها فيه

و لقت انه جايتها اضافات من شباب من الفيس بوك و من الشات و من القيمزر!!!

يعني الخوااات دلال و مريم و وسميه ماخلو مكان مانشرو فيه الايميل !!!!

واضافات المسن لي الراااس بعدين و وأخيرااا

دلال كلمت فاطمه !!!

بس شنو ؟؟ على انها صبي !!!!!!

و قالت لها فاطمه : انت من وين لك الايميل ؟

عبدالله ( دلال ) :- و الله من الجات بس ليش ؟

فاطمه : أظن أعرف منو قليلة الادب اللي ناشرته

عبدالله :- لآ يايني الايميل على الخااص

فاطمه : لا ناشرته البنت الحيوانه على العام و جتني اضافات وااجد

عبدالله : اوكي ماقلتي لي لححد الحين شسمج ؟؟

فاطمه : ليش ؟
عبدالله : هوو شنو ليش ؟؟ قلت اسمج ماني بخاطفج !!

فاطمه : اسمي فاطمه

عبدالله :: آنا اسمي عبدالله عاشت الاسامي فطووم

فاطمه : في واحد ضايفني يقول لي اسمج مو حلو صج و الا لا ؟؟

عبدالله اللي هو دلال :- لآ بالعكس حلو على اسم حبيبتي

فاطمه : منو حبيبتك

عبدالله: هههه ماتعرفينها

فاطمه : اكيد ماعرفها توني متعرفه عليك

عبدالله : حتى انا ماعرف منو هي بس اللي اعرفه اني قاعد اكلمها

((فاطمه فهمت قصده و سفهته ))

و بعد خمس أيام من السوالف بين فاطمه و عبدالله (دلال )

فاطمه بدا قلبها يحب عبدالله !!!

وعبدالله ماقصر وياها خلا اسلوبه ذووق و يخلي اللي مايعجبه يعجبه

((دلال كانت تضضبط الدور ))

و الحين تجهز للصدمه يالقارئ ..

تخيلي لو انج صار لج اربعة ايام متعرفه على واحد و ماتعرفين الا اسمه و عمره و دولته

و هو مايعرف الا اسمج تخخخخيلي لو قالج أبي أوريج صوره و قولي لي رايج فيهاااا !!!!

تخخخخخيلي لوووو
..
..
..
..
..
..
..
..
..
..
..
..
..
..
..
..
..
..

..
..
..
..
..
..
..
..
..
..
..
..
..
..
..
..
..
..
..
..
..
..
تخخخخيلي لو حطا صورتج و قااااال بكل برووده شرايج مع سمايل فيس !!!!!!!!!!!!!!!!!!!!!!

امانه شنو بتكوووون ردة فعلج !!!!!!!!!!!!!

البنت فاطمه مسكينه

انصصصدمت ..

اغمى عليها ..

بككككككت ..

صاااااارخت ..

خااااافت ..

ندمممت ..

تخرععت ..


<< شنو ينفعها هذا كله الحين ؟؟؟؟؟؟؟؟!!



قالت له بعد دقايق و هو يقول الووو و يدز اشارة تنبيه

قالت له : من وين لك الصوره ؟

قال : هذي صورة ملكة جمال البحرين

((( شلوون عرف انها بحرينيه !!!!!!!!!!! ))

لآ حول و لآ قوة إلآ بالله

تقول دلآل البنت حسيت فيها من ورا الشاشه حسسيت انها ماتبجي دمووع !! بل تبجي دمممم
و من بعد هل حركه مسسحت صورها و تبت الى الله و قلت لمريم و وسميه ان يمسحو الصور
و تقول بأن سبب توبتها الرئيسي أنها اكتشتف ان فاطمه ... متحجبه !!!

عرفت هذا من وسميه و لكن وسميه لم تبالي
وتقول دلال انا الوحيده المراهقه بينهم و مريم و وسميه لم يبلغوا بعد امااا فاطمه بلغت !!!
تقول دلال لقد صدمت بهذا الخبر لأنني عرفت انني كسبت من كل شعره ذنب فلو قلنا أن عدد شعرها هو 1000000 و عدد الشباب الذين رأو الصوره هو 6 فسأكسب 6000000 سيئه !!!!!!
و لككككن عدد الشباب أكثر و عدد الشعر اكثر !!!!!!!!!!!!!!!

تقول انتظرت فاطمه تشبك بايميل اللي يعنني صبي أيام و أيام و لكنها لم تشبك ....

ماذا حدث لها ؟؟

اترك المايك لكم !!

منقووول


ملاحظه :- نصيحه مني يابنات لاااا تعطين صورتج لأحد من النت حتى لو كانت بنت !!!

ارجووووو النشر


الرجوع الى أعلى الصفحة اذهب الى الأسفل
الوردة البيضاء

الوردة البيضاء

عدد المساهمات : 32
تاريخ التسجيل : 21/01/2012
العمر : 20
الموقع : سلطنه عمان

مُساهمةموضوع: رد: قصصـه الطفلـهه [ فــآطمه ]    الثلاثاء مارس 13, 2012 3:37 pm

بعتجد أن واحد من أهلها شف صوتها ف فيس بوك..
وجال حق أمها وأبوها...وطبعا ـأمها وأبوها زجروها ومنعوا عنها النت..
ودام هي منغلقهـ عن ناس من جبل..وكانت مع النت ..فبعد م صار إلي صارلها أصبحت بدون رفيجات وبدون النت وبدون حد يوجف معاها..
بتصير وحيده .. ووحده راح تجتلها ..

ـــــــــــــــــــــــــــــــــــــــــــــــــــــــــ
هذا هو توقعي ...
وإن شاء الله مب أكون بالغت فيهـ!!

ـــــــــــــــــــــــــــــــــــــــــــــــــــ
مشكوره ع هالروايه الروعه بصراحه...
وإن شاء الله تكون عبره مفيده حقهم ..
الرجوع الى أعلى الصفحة اذهب الى الأسفل
 
قصصـه الطفلـهه [ فــآطمه ]
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتـــــــــــدى الأدبـــي :: قســــــــــم القصــص والروايـــــــــــات-
انتقل الى: