الوردة البيضاء
عدد المساهمات : 32 تاريخ التسجيل : 21/01/2012 العمر : 25 الموقع : سلطنه عمان
| موضوع: قصه واقعيه صــــــــارت في أبوظبي السبت يناير 21, 2012 8:30 am | |
| قصه واقعيه صارت في أبوظبي
السلام عليكم و رحمه الله و بركاته .. عساكم بخير و عافيه ..
قريت القصه ف احد المنتديات وحبيت انزلها لكم ^^
السالفه سلمكم الله
اثنين من الشباب ..من فتره مب طويله ... يعني جريب...شلوا عشاهم و ساروا يتعشون في شاطئ الراحه في بوظبي...
يتهم حرمه عيوز و يلست تلقط من الاكل المتنثر...قالولها يدوه انتي يوعانه...قالت هيه انا من الصبح هنيه و ما كليت شي...
قالولها انزين شو يايبنج هنيه؟ قالت ولدي نزلني و بيرد عليه....
المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز بروحها فالليل...
قالولها..انزين عندج *** ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب
"من يجد هذه المرأه يأخذها لبيت العجزه"
انصعقوا الشباب من اللي مكتوب...و يلسوا ساعه يترجونها انها تسير
معاهم....
لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها"
المهم....روحوا عنها الشباب....
واحد منهم ما رضي يرقد....يتحلم و يفكر فيها.....
لين ا استوت الساعه 2 في الليل...نش من على الشبريه و لبس ثيابه بسرعه...
و سار الشاطئ....شاف اسعاف و شرطه...هجم بينهم و سألهم عن الحرمه...
قالوله توفت...ارتفع عندها الضغط و ماتت...
ارتفع عندها الضغط على حسرتها على ولدها...تتحرى ان صار له حادث او مكروه...
الله يرحمها برحمته...مسكينه... | |
|
بنت الظاهرة
عدد المساهمات : 238 تاريخ التسجيل : 19/01/2012
| موضوع: رد: قصه واقعيه صــــــــارت في أبوظبي الثلاثاء يناير 24, 2012 5:59 am | |
| سلمت الانامل على الموضوع الجميل والاسلوب الرائع | |
|
روووح عبري
عدد المساهمات : 276 تاريخ التسجيل : 10/01/2012 الموقع : https://roo7ibri.forumarabia.com
| موضوع: رد: قصه واقعيه صــــــــارت في أبوظبي الثلاثاء يناير 24, 2012 8:10 am | |
| نــعمـ بالفــعل هــذه قصــهـ واقــعيــهـ .. وانــهــأ مؤثــرة للغايهـ ..
أبــعدنا اللهـ عن العاقيـــن بوالديــهم...
أحــسنت ملــكة فتيــات عبــري على النقل..وعســى هــذه القــصة أن تكـــون عبرة لمن يعـــتبر.. | |
|